“Agrobank” viloyat hududiy filiali tashabbusi bilan viloyatdagi barcha Maktabgacha va maktab ta’limi bo‘limlariga zamonaviy kompyuter va printerlar topshirildi. Maktabgacha va maktab ta’limi boshqarmasida o‘tkazilgan tadbirda boshqarma boshlig‘i Xusniddin Mamadiyev hamda bank mas’ullari ishtirok etdi.
Har bir bo‘limga 2 tadan kompyuter jamlanmasi va 1 dona rangli printer berildi. Umumiy hisobda 30 ta kompyuter jamlanmasi va 15 ta printer taqdim etildi. Mazkur texnik yordam ta’lim bo‘limlari ish jarayonini samarali tashkil etishga, hujjat aylanishi va elektron ma’lumotlar bazasini yuritishda qulaylik yaratishga xizmat qiladi.
Shuningdek, bu yangilik ta’lim tizimida raqamlashtirish jarayonini jadallashtirish va faoliyatning shaffofligini oshirishga ham muhim hissa qo‘shadi.
