Termiz shahrida yoshlar o‘rtasida dzyudo bo‘yicha O‘zbekiston kubogi musobaqasi o‘tkazildi. U Yakkakurash sport turlariga ixtisoslashtirilgan sport maktabida bo‘lib o‘tdi va Qoraqalpog‘iston, Toshkent shahri hamda viloyatlardan 600 ga yaqin sportchi ishtirok etdi.
3 kun davomida o’tgan bellashuvlarda yosh dzyudochilar jismoniy mahorat va tayyorgarliklarini namoyish etib, g‘oliblar safidan joy olishdi. Yakuniy natijalarga ko‘ra, umumiy hisobda 1-o‘rin Toshkent viloyati, 2-o‘rin Samarqand viloyati, 3-o‘rin Surxondaryo viloyati jamoalariga nasib etdi.
G‘oliblarga medallar va diplomlar topshirildi, endilikda ular O‘zbekiston terma jamoasi tarkibida xalqaro musobaqalarda ishtirok etadi, bu esa yosh sportchilarning salohiyati va milliy sport rivojiga katta hissa qo‘shadi.
