Surxondaryo viloyati Ekologiya va iqlim o‘zgarishi bosh boshqarmasi tomonidan chiqindilarni boshqarish va sirkulyar iqtisodiyotni rivojlantirish yo‘nalishida tizimli ishlar amalga oshirilmoqda.
Jumladan, o‘tgan yil davomida: maishiy chiqindilar bilan ishlash tizimi tartibga keltirildi. Yuridik tashkilotlarni qamrab olish darajasi oshirildi. “Toza makon” yagona billing dasturi samarali yo‘lga qo‘yildi. Abonentlar ma’lumotlari identifikatsiyadan o‘tkazildi hamda maxsus texnikalar faoliyati GPS monitoring orqali nazorat qilinmoqda.
Shuningdek, boshqarma xodimlarining ish samaradorligini oshirish maqsadida moddiy-texnik baza mustahkamlandi. Xususan, 9 ta zamonaviy kompyuter jamlanmasi, planshet, notebook hamda 3D printer foydalanishga topshirildi.
