Oliy Majlis Senati Raisi Tanzila Narbayeva boshchiligidagi O‘zbekiston delegatsiyasi Belarus Respublikasida rasmiy tashrif bilan bordi. Tashrif doirasida Vitebsk shahrida Uchinchi O‘zbekiston – Belarus biznes-forumi o‘tkazilmoqda. Unda sanoat va ijtimoiy-iqtisodiy sohalarda hamkorlikni kengaytirish, investitsiya loyihalarini amalga oshirish va tajriba almashish masalalari muhokama qilinindi.
Forumda Termiz davlat muhandislik va agrotexnologiyalar universiteti rektori Rasul To‘rayev ham ishtirok etdi. Tadbir davomida TDMAU va Vitebsk davlat texnologiya universiteti o‘rtasida hamkorlik memorandumi imzolandi.
Mazkur kelishuv professor-o‘qituvchilar stajirovkasi, talabalar almashinuvi va qo‘shma ilmiy loyihalarni amalga oshirish uchun keng imkoniyat yaratadi.
