Prezident tashabbusi bilan amalga oshirilayotgan “Tibbiyotda 90 kunlik o‘zgarishlar” dasturi doirasida Surxondaryo viloyatida aholiga ko‘rsatilayotgan tibbiy xizmatlarni yaxshilash bo‘yicha keng ko‘lamli ishlar olib borildi. Termiz tumanida 2 ta oilaviy poliklinika, 5 ta oilaviy shifokorlik punkti, 2 ta poliklinika filiali va markaziy shifoxonalarda ta’mirlash va rekonstruksiya ishlari qilindi, zamonaviy tibbiy jihozlar o‘rnatildi.
Viloyat hokimi Ulug‘bek Qosimov Termiz tumanida amalga oshirilgan ishlar bilan tanishdi. Jumladan, 71-sonli oilaviy poliklinika hamda “At-Termiziy” oilaviy shifokorlik punkti faoliyati o‘rganildi. Tashrif davomida aholiga sifatli tibbiy xizmat ko‘rsatish, kasalliklarning oldini olish, patronaj xizmatini yo‘lga qo‘yish, shuningdek, muassasalarda “Elektron poliklinika” tizimini joriy etish holati muhokama qilindi.
Mutasaddilar va tuman rahbarlari axborot berdi. Hokim tomonidan tibbiy xizmat sifatini yanada oshirish va aholining sog‘liqni saqlash tizimiga bo‘lgan ishonchini mustahkamlash yuzasidan topshiriqlar berildi.
