Hududlarning investitsion jozibadorligini oshirish va yangi ish o‘rinlari yaratish borasidagi ustuvor vazifalar ijrosi doirasida Bandixon tumanida yirik loyiha boshlandi. Viloyat hokimi Ulug‘bek Qosimov tashrifi davomida Termiz erkin iqtisodiy zonasining Bandixon filialida yangi korxona qurilishiga tamal toshi qo‘yildi.
“Quyoshim” MCHJ tomonidan Rossiyalik hamkorlar bilan amalga oshirilayotgan loyiha doirasida bolalar ozuqasi va meva sharbatlari ishlab chiqarish zavodi barpo etiladi. 5 gektar maydonda quriladigan mazkur korxonaning umumiy qiymati 50 million AQSH dollarini tashkil etib, 200 ta yangi ish o‘rni yaratadi.
Ushbu loyiha hudud sanoat salohiyatini oshirish, eksport hajmini kengaytirish hamda aholi bandligini ta’minlashda muhim ahamiyat kasb etadi.
