Qashqadaryo viloyatining bir guruh maktabgacha taʼlim tashkilotlari rahbarlari tajriba almashish va amaliyot bilan tanishish maqsadida Surxondaryo viloyatiga tashrif buyurishdi. Tashrif doirasida mehmonlar Termiz shahridagi 16- va 24-sonli maktabgacha taʼlim tashkilotlarida bo‘lishib, bu yerda yaratilgan sharoitlar, bolalar bilan olib borilayotgan tarbiyaviy-mashg‘ulot ishlari, zamonaviy yondashuvlar hamda innovatsion loyihalar bilan yaqindan tanishdilar.
Uchrashuv davomida maktabgacha taʼlim tizimidagi ilgʻor tajribalarni oʻrganish, hududlar oʻrtasida samarali muloqotni kuchaytirish, tashkiliy-uslubiy ishlarni takomillashtirishga qaratilgan konstruktiv fikr almashuvlar va amaliy kuzatuvlar oʻtkazildi.
Bunday tashriflar maktabgacha taʼlim tizimida sifatni oshirish, professional taraqqiyotga ko‘maklashish va hududlararo o‘zaro hamkorlikni mustahkamlashda muhim ahamiyat kasb etadi.
