Yozgi taʼtil faslida bolalarning maroqli dam olishi, salomatligini mustahkamlashi va ijtimoiy faolligini oshirish maqsadida Boysun tumanida bir qator amaliy ishlar olib borilmoqda. Xususan, mutasaddi tashkilotlar hamkorligida 7 yoshdan 14 yoshgacha bo‘lgan 75 nafar bola yozgi dam olish oromgohiga yuborildi.
Mazkur safarga ijtimoiy ko‘makka muhtoj, kam taʼminlangan oila farzandlari hamda davlat muassasalari xodimlarining farzandlari qamrab olindi. Ular go‘zal tabiati bilan mashhur Sherobod tumanidagi “Beshbuloq-Surxon-Sherobod” oromgohida maroqli va mazmunli dam olish imkoniyatiga ega bo‘lishdi.
Ushbu tashabbus orqali bolajonlarga quvonch ulashish, ularning yozgi taʼtilini esda qolarli o‘tkazish, sog‘lom turmush tarziga bo‘lgan qiziqishini oshirish maqsad qilingan.
