O‘zbekistonda elektr energiyasi va tabiiy gaz iste’molchilarini tarmoqlardan ajratish yoki cheklovlar joriy etish orqali tejamkorlikka erishish amaliyoti taqiqlanadi. Bu norma Prezident farmoni bilan belgilandi.
Farmonga muvofiq, mamlakatda energiya samaradorligi va tejamkorligini oshirishga qaratilgan yangi tizimli chora-tadbirlar amalga oshiriladi. Shu jumladan, “Energiya samaradorligi – farovon hayot garovi” umumxalq harakati yo‘lga qo‘yilishi ko‘zda tutilgan.
Yangi yondashuv energiya resurslaridan oqilona foydalanishni ta’minlash bilan birga, iste’molchilarning uzluksiz va barqaror ta’minotini kafolatlashga xizmat qiladi.
