O‘zbekiston Respublikasi Prezidentining 2025-yil 6-dekabrdagi PF–243 Farmoniga muvofiq, Sho‘rchi tumanining “o‘sish nuqta”lari hamda ishga solinmagan imkoniyatlari O‘zbekiston Respublikasi Prezidenti huzuridagi Boshqaruv samaradorligi agentligi Surxondaryo viloyati filiali tomonidan o‘rganildi.
Jarayonda hududda tadbirkorlikni rivojlantirish uchun yaratilgan sharoitlar, amalga oshirilayotgan investitsiya loyihalarining sur’atlari, moliyalashtirish holati hamda iqtisodiy samaradorligi tahlil qilindi.
Shuningdek, bo‘sh turgan bino va yer maydonlaridan samarali foydalanish orqali yangi investitsiya loyihalarini yo‘lga qo‘yish bo‘yicha takliflar ishlab chiqildi.
Mazkur tashabbuslar hududda yangi ish o‘rinlari yaratish, aholi daromadlarini oshirish hamda Sho‘rchi tumanining iqtisodiy rivojlanishiga xizmat qilishi ta’kidlandi.
