Navoiy viloyatida bo‘lib o‘tgan voleybol bo‘yicha “Maktabgacha va maktab ta’limi vaziri kubogi” musobaqasining respublika bosqichi yakuniga yetdi. Mazkur musobaqada mamlakatning barcha hududlaridan 7–8-sinf o‘quvchilaridan iborat o‘g‘il bolalar va qizlar jamoalari ishtirok etdi.
Quvonarlisi, ushbu nufuzli sport musobaqasida Surxondaryo viloyati vakillari — Boysun tumanidagi 49-maktab qizlar jamoasi barcha raqiblaridan ustun kelib, birinchi o‘ringa sazovor bo‘lishdi. G‘olib va sovrindor jamoalar diplom, medal hamda qimmatbaho sovg‘alar bilan taqdirlandi.
