Uzun tumanining Erkinlik, Yangi kuch, Yangi hayot, Uzunqishloq va Kichik Jonchekka mahallalari hududidan o‘tuvchi mahalliy ahamiyatga ega bo‘lgan (4R-101V) 7,6 kilometr yo‘l bo‘yida infratuzilmani yaxshilash va hududni obodonlashtirish ishlari jadallik bilan olib borilmoqda.
Manzilda respublika budjeti va tashabbusli budjet mablag‘lari hisobidan yo‘l chetlariga piyodalar yo‘laklari qurilmoqda, ariqlarga beton latoklar o‘rnatilmoqda, kecha-yu kunduz 24/7 rejimda yoritib turuvchi energiya tejamkor yoritgich chiroqlari o‘rnatish kabi ishlar amalga oshirilmoqda.
Bu nafaqat aholi harakati uchun qulayliklar yaratadi, balki tuman obodonligi va xavfsizligini ham ta’minlashga xizmat qiladi.
