O‘zbekiston Respublikasi Vazirlar Mahkamasining 2024-yil 22-oktyabrdagi “Shaharlar va boshqa aholi punktlari ko‘chalari hamda ichki xo‘jalik yo‘llari infratuzilmasini yanada takomillashtirish to‘g‘risida”gi 665-sonli qaroriga asosan, Surxondaryo viloyatining Bandixon, Boysun, Jarqo‘rg‘on, Sariosiyo, Uzun, Sho‘rchi va Sherobod tumanlariga zamonaviy “Samosval” rusumidagi maxsus yuk tashuvchi transport vositalari topshirildi.
Mazkur texnikalar tumanlarda yo‘l infratuzilmasini yaxshilash, mavjud yo‘llarni ta’mirlash va yangi yo‘llar qurilishida muhim vosita bo‘lib xizmat qiladi.
Ushbu tashabbus hududlarda transport kommunikatsiyalarini rivojlantirish, aholi uchun qulay yashash va erkin harakatlanish imkoniyatlarini yaratishda katta ahamiyat kasb etadi.
