Surxondaryo viloyatida maktabgacha ta’lim tashkilotlari tarbiyalanuvchilari o‘rtasida o‘tkazilgan “Gimnastikaga ilk qadam” festivalining viloyat bosqichi yuqori saviyada yakunlandi. Festivalda gimnastikachi oʻgʻil-qizlar faol ishtirok etib, bor mahoratlarini namoyon etishdi.
Yakuniy natijalarga ko‘ra qizlar o‘rtasida Termiz shahridagi 20-sonli MTT tarbiyalanuvchisi Fariza Xolmatova birinchi oʻrinni egallagan boʻlsa, o‘g‘il bolalar o‘rtasida ham ayni shu bogʻchaning tarbiyalanuvchisi Damir Bobomuratov birinchi boʻldi.
G‘olib va sovrindorlarga boshqarma tomonidan kubok, diplom va esdalik sovg‘alari topshirildi. Tadbir barcha ishtirokchilar uchun quvonchli, esda qolarli lahzalarga boy bo‘ldi va sog‘lom turmush tarzini targ‘ib qilish yo‘lida yana bir muhim qadamlardan biri bo‘ldi.
