Muzrabot tumani hokimi Abdulla Mamatqulov tumandagi muqaddas maskanlardan biri — “Er Jahongir ota” ziyoratgohiga tashrif buyurib, u yerni ziyorat qildi.
Tuman hokimi ziyoratgoh hududini to‘liq ko‘zdan kechirib, mavjud holatni o‘rgandi. Tashrif davomida ziyoratgohda obodonlashtirish ishlarini olib borish, foydalanish muddati o‘tgan, nosoz holga kelgan jihoz va buyumlarni yangilariga almashtirish bo‘yicha aniq topshiriqlar berdi.
Shuningdek, hokim ushbu muqaddas maskanni hudud aholisiga munosib, chiroyli va fayzli ziyorat joyiga aylantirish zarurligini ta’kidladi.
Ayni paytda ziyoratgohda obodonlashtirish ishlari boshlab yuborilgan.
Mazkur tashabbus — nafaqat diniy qadriyatlarimizga hurmat, balki tarixiy maskanlarga e’tiborning yaqqol namunasidir.
