Vohamizning futbolsevar vakillari “Surxon” klubi oʻyinlarini oʻtkazib yubormasdan tomosha qilib, ularga ishqibozlik qilib borishayotir.
Futbol bo‘yicha O‘zbekiston superligasining 4-tur uchrashuvi doirasida Termizning “Surxon” klubi o‘z maydonida Qo‘qonning “Qo‘qon-1912” jamoasini qabul qilgani esa oʻyinni jonli tomosha qilish imkonini berdi. Yangilangan “Surxon Arena” stadionida boʻlib o‘tgan bahslar qizg‘in va murosasiz kechdi. Quvonarlisi, yakunda mezbonlar 3:1 hisobida ishonchli g‘alabaga erishdi.
Uchrashuvni Surxondaryo viloyati hokimi Ulug‘bek Qosimov stadionda muxlislar bilan birgalikda tomosha qilib, jamoani qo‘llab-quvvatladi.
