Tarixidan, ajdodlaridan faxrlanadigan xalqmiz. Qadimiy maqbara, binolarimiz, ilmiy-maʼnaviy merosimiz sanalmish adabiyotlarimiz biz uchun eng katta boylikdir. Oʻtmishni oʻrganib, kelajakni oʻylagan holda izlanamiz. Bizdan obod vatan qolishi uchun mehnat-u harakatdan toʻxtamaymiz. Bu esa yoshlar, kelgusi avlodlar uchun eng yaxshi ibrat namunasidir.
Ana shunday saʼy-harakatlar davomi sifatida Termiz davlat universiteti professor-o‘qituvchi va talabalari shahrimizdagi harbiy qismlarning birida bo‘lib, buyuk sarkarda Amir Temur tavalludining 689 yilligiga bag‘ishlangan ma’naviy-ma’rifiy tadbir tashkil etishdi.
Professor-o‘qituvchilar harbiy xizmatchilarga “Amir Temur buyuk sohibqiron va davlat arbobi”, “Yoshlarni vatanparvarlik ruhida tarbiyalashda “Temur tuzuklari”ning o‘rni” mavzularida ma’ruza qilishdi.
Talabalar esa Amir Temur siymosi gavdalantirilgan sahna ko‘rinishlari orqali tadbirning ahamiyatini ta’sirchan yetkazishdi.
