Bugun Bandixon tumani aholisi uchun unutilmas shodiyona kun bo‘ldi desak, mubolag‘a bo‘lmaydi. Jumladan, tuman markazida ulkan ko‘rinishga ega, zamonaviy tarzda qurilgan “Fayz” savdo markazi foydalanishga topshirildi. Ushbu savdo markazi tadbirkor Qo‘shoqov Sherzod tomonidan qariyb 1,6 milliard so‘m evaziga bunyod etilgan bo‘lib, obyektda erkaklar uchun kiyim-kechak va poyabzal do‘koni, tilla-taqinchoq buyumlar do‘koni va mebellar do‘konlari ish faoliyatini boshladi. Mazkur savdo markazining ochilishi aholi uchun qulay shart-sharoyit yaratilganligi hamda uzog‘i yaqin bo‘lganligini ta’kidlab, ko‘ngillari quvonchga to‘ldi.Shu jumladan, savdo markazining ochilish marosimida tuman hokimi Abdumalik Allamuradov, nuroniylar va keng jamoatchilk vakillari ishtirok etishdi. Savdo markazining faoliyati bilan tanishilib, tadbirkorga kelgusida tuman obodligi yo‘lida bor imoniyatini ishga solishi zarurligi ta’kidlandi.
Dinara Kuzimurotova
