Mardlar sinaldi

Mardlarni sinash uchun turli sinovlardan foydalaniladi. Kurash tushishadi, ot choptirishadi, bilaklaridagi kuch bilan ham sinaladi. Sinov qanday bo‘lmasin, g‘oliblik ham, mag‘lubiyat ham tan olinsa, shuni o‘zi mardlikdir. Azaldan sinashta bo‘lgan mardlarning sinovi bugun ham ahamiyatli, bugun ham asosiy sinov turidir. Boysun tumanida “Besh tashabbus” olimpiadasi doirasida sportning “Armrestling” turi bo‘yicha tuman bosqichi bo‘lib o‘tdi.
Musobaqada yoshlar 55, 65, 75 kilogramm hamda +75 kilogramm vazn toifalarida bellashdilar. Aytish kerakki, kurash murosasiz o‘tdi. Bilagida kuchi borlar o‘z mahoratlarini namoyish etdilar. G‘oliblarga diplom, viloyat bosqichiga yo‘llanma va pul mukofotlari topshirildi.