“Dolzarb 30 kun” davom etmoqda

O‘zbekiston Respublikasi hududida yoz mavsumida ob-havo haroratining keskin ko‘tarilishi natijasida yong‘inlar bilan bog‘liq vaziyatlar ko‘plab uchraydi. Buni inobatga olgan holda hukumat komissiyasi tomonidan tezkor chora-tadbirlar ishlab chiqildi. Unga ko‘ra yurtimizda joriy yilning 1-iyulidan 1-avgust kuniga qadar “Dolzarb 30 kun” tadbiri joriy qilindi.
Ushbu normativ hujjatlarga asosan Favqulodda vaziyatlar vazirligining tegishli buyrug‘i va hokimliklar tomonidan farmoyishlar ishlab chiqildi. “Dolzarb 30 kun” tadbiri doirasida Muzrabot tumani Favqulodda vaziyatlar bo‘limi va hamkorlikdagi xizmat xodimlari profilaktik tadbirlarni o‘tkazish oldi yo‘riqnomadan o‘tkazildi. Shundan so‘ng, tumanning “Navro‘z” mahallasi hududida joylashgan ko‘p qavatli uy-joy va xonadonlarida mas’ullar tomonidan fuqarolarning yashash uylarining yong‘in xavfsizligi holati ko‘zdan kechirilib, ularga tushuntirish ishlari olib borildi.
Shundan so‘ng, Maktab va maktabgacha ta’lim bo‘limiga qarashli 5-sonli davlat maktabgacha ta’lim tashkilotining yong‘in xavfsizligi holati o‘rganilib, aniqlangan kamchiliklarni joyida bartaraf qilish choralari ko‘rildi. Tarbiyachi va tarbiyalanuvchilar bilan profilaktik suhbat o‘tkazilib, qo‘shimcha yo‘riqnoma berildi. Shu bilan bir qatorda tadbirkorlik subyektlarida ham tadbirkorlar bilan profilaktik suhbatlar olib borildi. Obyekt rahbarlariga yong‘in xavfsizligini ta’minlash yuzasidan tegishli tushuntirish ishlari olib borildi.
“Dolzarb 30 kun” tadbiri doirasida boshqa jabhalarda ham profilaktika ishlari davom ettirilmoqda.