Chiptalar narxi 25 foizga oshadi

Poyezdlarda chipta narxi oshishini eshitgan hayron qolishi aniq. Sababi yil boshida ham narxlar 20 foizga ko‘tarilgan edi-da. 1-iyuldan esa mahalliy yo‘nalishlardagi «Nasaf», «Sharq», «O‘zbekiston» poyezdlari chipta narxlarining tarif qismi 25 foizga oshirilishini ma’lum qilgan «O‘ztemiryo‘lyo‘lovchi» AJ narxlar oshirilishini «yo‘lovchi poyezdlarda qo‘shimcha servis xizmatlarini joriy etish, ularni yanada rivojlantirish, yo‘lovchi vagon parklarini yangilash, modernizatsiya qilish, yangi elektropoyezdlarni xarid qilish, vokzallarni zamon talablariga moslashtirish» bilan izohlamoqda.
Masalan, 12, 4-sonli Toshkent — Qarshi yo‘nalishi avvalgi narxlari ekonom — 150 600, biznes 218 244 so‘m bo‘lsa, yangi narxda ekonom — 178 250, biznes — 262 805 so‘mni tashkil qiladi.