Afg‘oniston delegatsiyasi Surxondaryoda

Date:

Ayni vaqtda qoʻshni Afgʻoniston ishbilarmon doira vakillaridan iborat delegatsiya Surxondaryo viloyatiga tashrif buyurdi. Mehmonlar surxoncha mehmonnavozlik bilan Termiz tumanida joylashgan Hayraton chegara postida kutib olindi. Tashrifdan koʻzlangan maqsad, ikki davlat oʻrtasidagi savdo-iqtisodiy aloqalarni yanada kengaytirish hamda hamkorlikda investitsiya loyihalarini amalga oshirishdan iborat.
Afg‘oniston Savdo-investitsiya palatasi boshchiligida 30 nafardan ortiq Afg‘oniston Respublikasi ishbilarmon doira vakillaridan iborat delegatsiya qishloq xo‘jaligi, chorvachilik, neft, tog‘-kon sanoati, shuningdek, oziq-ovqat, energetika va boshqa sohalarda faoliyat yuritayotgan tadbirkorlik subyektlaridan iborat bo‘lib, delegatlar dastlab, Termiz xalqaro savdo markaziga tashrif buyurdi. Savdo do‘konlari, mahsulotlar saqlanadigan omborxonalar ko‘zdan kechirilib, shu yerning o‘zida ikki davlat vakillari o‘rtasida uchrashuv o‘tkazildi. Unda O‘zbekiston Savdo-sanoat palatasi vakillari ham ishtirok etdi.


Afg‘oniston delegatsiyasi tashrifi davomida keyingi yillarda ikki qo‘shni mamlakat o‘rtasida eksport-import aloqalari kengayib borayotgani, shuningdek, hamkorlikda loyihalarni amalga oshirish imkoniyatlari xususida so‘z yuritilib, kelgusida ushbu savdo markazi iqtisodiy hamkorlikni yanada kengaytirishda muhim koridor vazifasini o‘tashi, afg‘onistonlik tadbirkorlik subyektlarining ushbu Savdo markazida faoliyat yuritishi uchun 15 kunlik vizasiz rejim joriy etilganligi masalalari muhokama qilindi.
Delegatsiya a’zolari Savdo markazi faoliyati hamda tadbirkorlik subyektlari uchun yaratilgan shart-sharoitlar bilan yaqindan tanishdi. Shuningdek, xorijlik ishbilarmon doira vakillariga Savdo markazi imkoniyatlari va xorijlik investorlar uchun yaratilgan qulayliklar borasida ma’lumot berildi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

G‘alla o‘rim-yig‘imi boshlandi

Yutimizda kuni kecha ekin-tikin ishlari boshlanib, ko‘z ochib yumguncha...

Foydali va maqsadli loyihalar ish boshlamoqda

Bugun o‘zgarishlar, yangilanishlar ostonasida turibmiz. Eng muhimi, har bir...

Qurilishga start berildi

O‘z imkoniyatlarimizdan to‘g‘ri foydalansak, jahon bozorida o‘z o‘rnimiz va...

300 polvon kurash tushdi

Kurash haqida ko‘p va xo‘b to‘xtalganmiz. Sababki, kurash yoshlarning...
KunTun
KunTun