90 o‘rinli DMTT ish boshladi

Sherobod tumanidagi “Bahor” mahallasida 394 nafar 3 yoshdan 6 yoshgacha bo‘lgan bola mavjud. Ularning 90 nafari esa endi bog‘chaga borishi mahalla ahlini quvontirdi. Sababi mahallada Investitsiya dasturi asosida loyiha qiymati – 3 milliard 527 million so‘m bo‘lgan 90 o‘rinli davlat maktabgacha taʼlim tashkiloti yangidan qurilib, foydalanishga topshirildi.
Tashkilotda zamonaviy maxsus mebellar, yangi to‘shaklar bilan jihozlangan yotoqxonalar, xavfsiz qattiq va yumshoq o‘yinchoqlar, bolalar uchun maxsus kutubxona, keng yorugʼ xonalar, yozgi ayvonchalar, o‘yin maydonchalari, ko‘rkam va fayzli oshxona bolajonlarning doimiy xizmatida bo‘ladi.