Inson ma’naviyati, dunyoqarashi kitobxonlik, ilm olish bilan boyib boradi. Taassurotlar, o‘qib-o‘rganishlar esa bilimni boyitadi, yanada mustahkamlaydi. “Vatanparvarlik oyligi” doirasida Sariosiyo tumani IIB xodimlari navbatdagi tashrif bilan “Oq ostona bobo” arxitektura yodgorligida bo‘lishdi.
Yodgorlikdagi taassurotlar esa maqtanarli. O‘tmish va bugunni ulovchi mo‘jazgina ko‘prik vazifasini o‘tayotgan yodgorlik X-XI asrlardan hikoya qiladi. O‘sha davr tarixi, voqealari haqidagi ma’lumotlar esa tomoshaga kelganlar uchun qiziqarli bo‘ldi.
IIB xodimlari maqbara bilan yaqindan tanishib, saqlanish holatini ko‘zdan kechirdilar. Obod go‘shaga aylangan majmua ham tomosha, ham ziyorat bahonasida tashrif buyuruvchilarning diqqat-e’tiborida ekani bilan ahamiyatli.
Maʼnaviyat marshruti yana ko‘plab qadamjolar, qadimiy yodgorliklarda to‘xtab, o‘z yo‘lovchilariga olam-olam taassurotlar qoldirishni maqsad qilgan.
S.Baxtiyorova
