Xalqaro xotin-qizlar kuni munosabati bilan Bandixon tumanida ayollarga hurmat va ehtirom ifodasi sifatida bir guruh xotin-qizlarga fuqarolik ID kartalari tantanali ravishda topshirildi.
Bandixon tumani Ichki ishlar bo‘limi huzuridagi Migratsiya va fuqarolikni rasmiylashtirish bo‘limi tomonidan tashkil etilgan tadbirda ayollarning jamiyatdagi o‘rni, ularning huquq va manfaatlarini ta’minlash hamda davlat xizmatlaridan foydalanish imkoniyatlarini kengaytirish borasida amalga oshirilayotgan islohotlar alohida ta’kidlandi.
Bayramona ruhda o‘tgan tadbir davomida topshirilgan ID kartalar nafaqat muhim hujjat, balki xotin-qizlarga ko‘rsatilayotgan e’tibor va g‘amxo‘rlikning yana bir ifodasi bo‘ldi.
