Boysun tumanidagi sport maktabida sportning para yengil atletika turi bo‘yicha tuman chempionati musobaqasi bo‘lib o‘tdi. Ushbu musobaqa imkoniyati cheklangan sportchilar uchun katta ahamiyat kasb etdi.
Unda ishtirokchilar o‘z iqtidor va mahoratlarini namoyon etib, sog‘lom turmush tarzini targ‘ib qilish, sport orqali jamiyatda faollikni oshirish hamda keyingi – viloyat va respublika bosqichlariga yo‘llanma olish uchun bellashdilar.
Bunday sport tadbirlari nafaqat sportchilarni jismonan chiniqtiradi, balki ularning irodasi, o‘ziga bo‘lgan ishonchi va jamiyatdagi o‘rnini mustahkamlashda ham muhim o‘rin tutadi. Musobaqa yakunlariga ko‘ra sportchilarga esdalik sovg‘alari, diplom hamda medal topshirildi.
