Xalqaro xotin-qizlar kuni munosabati bilan Termiz davlat universiteti ayollari uchun bayram tadbiri tashkil etildi. Shahrimizdagi tantanalar saroyida o‘tkazilgan tadbirda universitetning olima professor-o‘qituvchilari hamda ishchi-xodimlari ishtirok etdi.
Tadbirda universitet rektori barcha ayollarni bayram bilan tabriklab, ularning ta’lim, ilm-fan va jamiyat rivojiga qo‘shayotgan munosib hissasini alohida e’tirof etdi. Ayollarga hurmat va e’tibor jamiyat taraqqiyoti, mustahkam oila va barkamol avlod tarbiyasining muhim omili ekani ta’kidlandi.
Bayram davomida san’atkorlar, jumladan, estrada xonandasi Mashhurbek Raimjonovning chiqishlari ishtirokchilarga ko‘tarinki kayfiyat ulashdi. Tadbir yakunida ayollarga sovg‘alar topshirilib, ularga samimiy ehtirom ko‘rsatildi.
