Kuni kecha Denov tumanida boʼlib oʼtgan matbuot anjumanida joriy yilning 7 dekabrь kuni soat 03:57 da Denov shahridagi ikki qavatli “Indenim” savdo majmuasida chaqnash oqibatida binoning devorlari qulab tushib, 2 kishi nobud boʼlganligi hamda 9 kishi jarohatlanganligi toʼgʼrisida mutaxassislar tomonidan xabar berilgan edi.
(https://t.me/axborot_xizmati/10228)Qisqa vaqtdan soʼng voqea joyida boʼlgan viloyat hokimi holat bilan tanishdi va fuqarolarga yordam koʼrsatish hamda zarar oqibatlarini bartaraf etish ishlarini shaxsan oʼz nazoratiga oldi.
Bugun erta tongdan shifoxonaga tashrif buyurgan viloyat hokimi u yerdagi bemorlar uchun yaratilgan sharoitlar bilan tanishdi va jarohat olgan fuqarolar holidan xabar oldi.
Kunning ikkinchi yarmida esa Denov tumanida viloyatdagi sogʼliqni saqlash sohasidagi masʼul rahbarlar bilan uchrashuv oʼtkazdi.
Uchrashuvda viloyat hokimi tibbiyot sohasida amalga oshirilishi lozim boʼlgan dolzarb vazifalar hamda qilinishi lozim boʼlgan ishlar xususida oʼz fikrlarini bildirdi. Eng avvalo, soha xodimlarining malakasini oshirish zarurligini taʼkidladi.
Shuningdek, koronavirus infektsiyasining insoniyat hayotidagi salbiy taʼsiri haqida toʼxtalib, undan xalos boʼlishning eng samarali va eng ishonchli yoʼli — fuqarolarni kasallikka qarshi emlash ekanligini taʼkidladi.
Uchrashuvda fikr-mulohazalar tinglanib, muammolarni bartaraf etish uchun chora-tadbirlar rejasi belgilab olindi.
