Fan olimpiadalari va ko‘rik-tanlovlar o‘qib-o‘rganayotgan fanimizni nechog‘lik o‘zlashtirganimizni ko‘rsatishi bilan birga bilimimizga munosib bahoni berishga xizmat qiladi. Maktabgacha va maktab ta’limi vazirligi, Yoshlar ishlari agentligi, PDP University, IT-Park hamda “KHISO” olimpiada maktabi hamkorligida matematika fanidan Respublika fan olimpiadasining tashkil etilgani ham o‘quvchi-yoshlarning matematikaga oid bilimlarini sinovdan o‘tkazdi.
Olimpiadada aniq fanlarni rivojlantirish hamda yoshlarni raqamli texnologiyalar mutaxassisligiga yo‘naltirish maqsadida respublikamizdagi umumta’lim maktabi hamda akademik litseylarning 10-11-sinf o‘quvchilari qamrab olindi. Unda Sariosiyo tumanidagi 1-sonli ayrim fanlar chuqur o‘rganishga ixtisoslashtirilgan hamda 4-, 37-, 80-sonli umumta’lim maktablaridan 14 nafar o‘quvchi ishtirok etdi va muvaffaqiyatli natijalarga erishdilar. Ularning har bir PDP universitetining qishki qabuli uchun 12 million so‘mlik grantni qo‘lga kiritib, ustoz va murabbiylari bildirgan ishonchni oqladilar.
Hilol
