Bola daxlsizligi: jazo muqarrar, murosa yo‘q

Date:

Bolalar xavfsizligi va huquqlarini himoya qilish, ularga nisbatan zo‘ravonlik sodir etgan shaxslarning javobgarligini kuchaytirish maqsadida yangi qonun qabul qilindi. O‘zbekiston Respublikasi Prezidenti Administratsiyasi rahbari Saida Mirziyoyeva qonun imzolanganini ta’kidlab, bolalarga nisbatan zo‘ravonlikka murosasiz munosabatda bo‘lish zarurligini qayd etdi.

Qonun bilan 5 ta kodeks va 6 ta qonunga o‘zgartirish va qo‘shimchalar kiritilmoqda. Unga ko‘ra, 14 yoshga to‘lmagan bolaga nisbatan ayrim og‘ir jinsiy jinoyatlarni sodir etgan shaxslarga 15 yildan 25 yilgacha ozodlikdan mahrum qilish yoki umrbod ozodlikdan mahrum etish jazosi tayinlanishi mumkin. Bunday jinoyatlar uchun jinoiy javobgarlikka tortish muddatiga ham cheklov qo‘yilmaydi.

Shuningdek, bolaga nisbatan jismoniy yoki ruhiy zo‘ravonlik sodir etganlik, tarbiya va ta’lim jarayonida zo‘ravonlikka yo‘l qo‘yganlik uchun javobgarlik kuchaytiriladi. Zo‘ravonlikdan jabrlangan yoki unga guvoh bo‘lgan bolalarning protsessual huquqlari ham kengaytirilib, ularga davlat hisobidan yuridik yordam ko‘rsatish imkoniyatlari belgilandi.

Qonunda bolaning o‘limiga sabab bo‘lgan qasddan sodir etilgan jinoyatlar uchun jazoni yengillashtirishga oid cheklovlar ham nazarda tutilgan. Yangi normalar bolalarni zo‘ravonlikdan himoya qilish, ularning huquq va manfaatlarini ta’minlash hamda bunday qilmishlar uchun javobgarlik muqarrarligini kuchaytirishga qaratilgan.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bepul reabilitatsiya imkoniyatlari kengaytirildi

O‘zbekistonda nogironligi bo‘lgan shaxslarni reabilitatsiya va protezlash markazlariga yo‘llashning...

Mehnat qadri – e’tibor va rag‘batda

Madaniyat sohasi vakillari xalqning ma’naviy merosini asrash, milliy qadriyatlarni...

Pul o‘tkazmalarida yangi tartib

2026-yil 16-noyabrdan masofaviy moliyaviy xizmatlardan foydalanish xavfsizligiga oid yangi...

Ta’lim muassasalari faoliyati o‘rganilmoqda

Surxondaryo viloyatidagi ta’lim muassasalarining faoliyati, o‘quv jarayonlari sifati va...
KunTun
KunTun