Yoshlarni zamonaviy texnologiyalar olamiga keng jalb etish, muhandislik va IT yo‘nalishlaridagi iqtidorlarni qo‘llab-quvvatlash maqsadida Termiz shahrida Respublika “TECHNO DRIVE–2026” musobaqasi o‘tkazildi.
Termiz davlat universiteti hamda Janubiy operativ qo‘mondonligi harbiy poligonida tashkil etilgan nufuzli musobaqada respublikaning turli hududlaridan 150 nafardan ortiq mutaxassis va iqtidorli yoshlar ishtirok etdi.
Musobaqa Mudofaa vazirligi, Ichki ishlar vazirligi, Surxondaryo viloyati hokimligi va “O‘zbekkosmos” agentligi hamkorligida, “REKORD MIR” IT-kompaniyasi tashabbusi bilan tashkil etildi.
Ishtirokchilar robototexnika, aviamodel, raketamodel va kibersport yo‘nalishlarida bellashib, o‘zlarining texnik bilimlari, mahorati va innovatsion g‘oyalarini namoyish etdilar.
“TECHNO DRIVE–2026” yoshlarning texnologiyaga qiziqishini oshirish, muhandislik va IT sohalaridagi salohiyatli yoshlarni aniqlash hamda ularni kelajak kasblariga yo‘naltirishga xizmat qiluvchi muhim maydonga aylandi.
