Termiz shahar ekologik muhitini yaxshilash va yashil hududlarni asrashga qaratilgan amaliy ishlar izchil davom ettirilmoqda.
Termiz shahar Ekopolitsiya bo‘limi tomonidan “Daraxtlarga nafas bering” aksiyasi doirasida navbatdagi ekologik tadbir o‘tkazildi. Unda daraxtlarning o‘sishiga to‘sqinlik qilayotgan beton qoplamalar olib tashlanib, ildiz atrofi ochildi. Shuningdek, daraxt tanalariga mixlangan reklama va e’lonlar yechib olindi.
Mutaxassislarning ta’kidlashicha, bunday tadbirlar daraxtlarning sog‘lom o‘sishini ta’minlash, yashil hududlarni asrash hamda shahar ekologik barqarorligini mustahkamlashda muhim ahamiyat kasb etadi.
