Termiz shahrida oliy ta’lim muassasalari talabalari o‘rtasida “Besh tashabbus olimpiadasi” doirasidagi ommaviy sport musobaqalariga start berildi.
Termiz davlat universitetida musobaqalarning tantanali ochilish marosimi o‘tkazilib, bellashuvlarga respublikaning barcha hududlarida bir vaqtning o‘zida markazlashgan studiya orqali onlayn tarzda start berildi.
Tadbirda Surxondaryodagi oliy ta’lim muassasalari mas’ullari, viloyat sport boshqarmasi o‘rinbosari Sanjar Nuriyev, professor-o‘qituvchilar hamda faol va sportchi talabalar ishtirok etdi.
Musobaqalar yoshlar o‘rtasida sog‘lom raqobatni kuchaytirish, sportga qiziqishni oshirish va iqtidorli talabalarni yangi marralar sari ruhlantirishga xizmat qiladi.
