Hududlararo hamkorlik doirasida Uzun tumani mas’ullaridan iborat ishchi guruh Qoraqalpog‘iston Respublikasi Taxiatosh tumanidagi “Qushchilik” mahallasida bo‘ldi.
Tashrif davomida mahalla yettiligining faoliyati, aholi bandligi, tadbirkorlikni rivojlantirish, ijtimoiy himoyaga muhtoj oilalarni qo‘llab-quvvatlash va mavjud muammolarni manzilli hal etish masalalari o‘rganildi. Ijtimoiy reyestrga kiritilgan oilalar xonadonlariga kirib, ularning sharoiti va ehtiyojlari bilan ham yaqindan tanishildi.
Shuningdek, Ataniyazov ko‘chasida Uzun tumani tajribasi asosida tashkil etilayotgan uzumzor loyihasining borishi ko‘zdan kechirildi.
Tashrif yakunida Taxiatosh tumani hokimi Islambek Sodiqov bilan uchrashuv o‘tkazilib, hududni rivojlantirish va istiqbolli loyihalarni amalga oshirish bo‘yicha hamkorlik yo‘nalishlari belgilandi. Tomonlar o‘rtasida amaliy hamkorlikni mustahkamlashga qaratilgan memorandumlar imzolandi.
