Xotin-qizlarni sportga keng jalb etish va sog‘lom turmush tarzini ommalashtirish bugungi kunning muhim yo‘nalishlaridan biri hisoblanadi. Shu maqsadda Uzun tumanida “Sog‘lom ayol — sog‘lom oila, sog‘lom oila — kuchli jamiyat” shiori ostida sport tadbiri tashkil etildi.
Unda xotin-qizlar, yoshlar va mahalla faollari sportning turli yo‘nalishlari bo‘yicha o‘zaro bellashib, estafeta va jamoaviy musobaqalarda faol ishtirok etdi. Tadbir sog‘lom turmush tarzini keng targ‘ib qilish, xotin-qizlarning jismoniy faolligini oshirish hamda oilalarda sog‘lom muhitni mustahkamlashga xizmat qildi.
