“Hududiy elektr tarmoqlari” AJ jismoniy shaxslar uchun ASKUE tizimiga mos kelmaydigan eski turdagi elektr hisoblagichlari o‘rniga zamonaviy hisoblagichlar bepul o‘rnatilishini ma’lum qildi.
Qayd etilishicha, ASKUE tizimiga mos bo‘lmagan hisoblagichlardan foydalanish elektr energiyasi uchun to‘lov va hisob-kitob jarayonlarida turli muammolarni keltirib chiqarishi mumkin. Shu sababli bunday hisoblagichlarga ega iste’molchilarni zamonaviy qurilmalarga bosqichma-bosqich almashtirish ishlari amalga oshirilmoqda.
