Termiz shahridagi 3-sonli umumta’lim maktabi o‘quvchisi Jahongir Mamasoliyev “InfoCheck Central Asia” xalqaro xakatonida 1-o‘rinni egalladi.
Maktabgacha va maktab ta’limi vazirligi hamda Germaniyaning Gyote instituti hamkorligida tashkil etilgan nufuzli tanlovda Markaziy Osiyoning eng iqtidorli yoshlari axborot texnologiyalari, media savodxonlik va tanqidiy fikrlash yo‘nalishlarida bellashdi.
Ushbu yutuq nafaqat Termiz, balki butun Surxondaryo yoshlarining salohiyatini namoyon etib, xalqaro maydonda o‘zbek o‘quvchilarining raqobatbardoshligini yana bir bor tasdiqladi. G‘olib sifatida Jahongir Mamasoliyev Germaniyada o‘tkaziladigan xalqaro festivalda ishtirok etish huquqini qo‘lga kiritdi.
