Yo‘l harakati qoidalariga kiritilgan yangi o‘zgartirishlarga ko‘ra, endi nafaqat moped va skuterlar, balki “kichik hajmdagi mototransport vositalari”ni boshqarish uchun ham haydovchilik guvohnomasi talab etiladi.
Yangi tartibga muvofiq, tezligi soatiga 25 km dan oshmaydigan va quvvati past bo‘lgan ayrim transport vositalari ham shu toifaga kiritildi. Natijada, ayrim elektr samokatlar, motorli velosipedlar va kichik skuterlar ham rasmiy ravishda yo‘l harakati qoidalari bilan tartibga solinadi.
Mutaxassislar fikricha, bu o‘zgarish yo‘llarda xavfsizlikni oshirish, tartibsiz harakatlanishning oldini olish va barcha transport vositalari uchun yagona mas’uliyat tizimini joriy etishga xizmat qiladi.
