Angor tumanining “Yangiobod” mahallasida tashkil etilgan “Kambag‘allikdan chiqarish markazi” loyihasi doirasida yoshlarni kasb-hunarga o‘rgatish va ularning bandligini ta’minlashga alohida e’tibor qaratilmoqda. Mazkur markaz qoshida faoliyat yuritayotgan avtomobillarga texnik xizmat ko‘rsatish ustaxonasida bugungi kunda 11 nafar yoshlar ustoz-shogird an’anasi asosida amaliy kasb sirlarini o‘rganmoqda.
Ustaxona rahbari, tajribali usta Ziyodullajon Jalilovning ta’kidlashicha, yoshlarga hunar o‘rgatish orqali ularning kelajakda mustaqil ravishda daromad topishiga zamin yaratilmoqda.
Aytish kerakki, ustaxonada ta’lim olayotgan yoshlar amaliyot davomida avtomobillarga texnik xizmat ko‘rsatishning turli yo‘nalishlari bo‘yicha ko‘nikma hosil qilib, kelgusida o‘z faoliyatini yo‘lga qo‘yishga tayyorgarlik ko‘rmoqda. Bunday amaliy loyihalarni kengaytirish orqali yoshlar bandligini ta’minlash va kambag‘allikni qisqartirish borasida tizimli ishlar izchil davom ettirilmoqda.
