Surxondaryo viloyati Maktabgacha va maktab ta’limi boshqarmasi tomonidan tashkil etilgan tadbirda 43 ta maktabgacha ta’lim tashkiloti yangi elektron jihozlar bilan ta’minlandi.
Mazkur texnik vositalar darslarni vizual va interaktiv usulda tashkil etish, o‘quv materiallarini tezkor namoyish qilish, shuningdek tarbiyalanuvchilarni faol ishtirok etishga yo‘naltirish imkonini beradi.
Ushbu tashabbus maktabgacha ta’lim muassasalarida sifatli ta’lim berish, ilg‘or pedagogik texnologiyalarni joriy etish va ta’lim muhitini modernizatsiya qilish yo‘lidagi amaliy ishlarning mantiqiy davomi hisoblanadi.
