Sariosiyo tumanida sog‘lom turmush tarzini ommalashtirish, aholining jismoniy faolligini oshirish va velosipeddan foydalanish madaniyatini rivojlantirish maqsadida velosiped haydash tadbiri tashkil etildi.
Unda tuman hokimi Odiljon Yaqubov boshchiligida sektor rahbarlari, tashkilot va muassasalar mas’ullari ishtirok etib, tuman hududida velosipedda harakatlandilar hamda amalga oshirilayotgan ishlar bilan tanishdilar.
Mazkur tashabbus orqali rahbarlar sog‘lom turmush tarzini targ‘ib qilish bilan birga, aholi, ayniqsa, yoshlarni jismoniy faollikka undashda shaxsiy namuna ko‘rsatmoqdalar.
Tadbirning asosiy maqsadi — sog‘lom hayot tarzini kundalik turmushning bir qismiga aylantirish, jismoniy faollikni oshirish va velosipeddan foydalanishni kengaytirishdir.
