Denov tumani INSON ijtimoiy xizmatlar markazi tomonidan nogironligi bo‘lgan mehnatga layoqatli fuqarolarni ish bilan ta’minlash, ularning jamiyatga moslashuvini kuchaytirish borasida tizimli ishlar olib borilmoqda.
Shu doirada Denov tumanida joylashgan “Yasmina tikuvchilik” sexi faoliyati bilan yaqindan tanishildi. Yangi yil munosabati bilan “Ijtimoiy himoya yagona reyestri”da ro‘yxatda turgan 2 nafar hamda nogironligi bo‘lgan 8 nafar xotin-qizga tikuv mashinalari topshirildi.
Bugungi kunda mazkur sexda 29 nafar nogironligi bo‘lgan mehnatga layoqatli shaxs doimiy ish bilan band bo‘lib, o‘z oilalari daromadiga hissa qo‘shmoqda.
