Termiz shahridagi 12-sonli umumta’lim maktabida “Otalar yig‘ilishi” doirasida otalar va ularning farzandlari o‘rtasida to‘rtta shart asosida “Zakovat” intellektual o‘yini tashkil etildi.
Bellashuv davomida ishtirokchilar bilimdonlik, mantiqiy fikrlash va topqirlik borasida o‘zaro kuch sinashdilar. Qiziqarli savollar va samimiy muhit tadbirga ko‘tarinki ruh bag‘ishladi.
Yakuniy natijalarga ko‘ra, faxrli o‘rinlarni egallagan otalarga maktab direktori M. Xolliyeva tomonidan tashakkurnomalar va esdalik sovg‘alari topshirildi.
Bunday intellektual bellashuvlar otalarning maktab hayotidagi faolligini oshirish, ota-ona va farzandlar o‘rtasidagi mehr-oqibatni mustahkamlash hamda yosh avlodda bilimga bo‘lgan qiziqishni kuchaytirishga xizmat qiladi.
