O‘zbekistonda xotin-qizlar va bolalar huquqlarini yanada himoyalashga qaratilgan qonun loyihasi jamoatchilik muhokamasiga qo‘yildi. Loyiha bilan yaqin qarindoshlar — to‘ga, amaki, amma, xola va ularning jiyanlari hamda amakivachcha, tog‘avachcha va boshqa shunga teng qarindoshlar o‘rtasida nikoh tuzish taqiqlanmoqda.
Shuningdek, nikoh yoshiga yetmagan shaxs bilan haqiqiy nikoh munosabatlariga kirishganlik uchun jazolar keskin kuchaytiriladi. Bunday holat takror sodir etilsa, 20,6 mln so‘mdan 41,2 million so‘mgacha jarima, 300 soatgacha majburiy jamoat ishlari yoki 2 yilgacha axloq tuzatish ishlari belgilanishi ko‘zda tutilgan.
Ayrim hollarda (homiladorlik yoki bola tug‘ilishi sabab) tuman yoki shahar hokimi nikoh yoshini ko‘pi bilan 1 yilga kamaytirishi mumkinligi ham nazarda tutilmoqda.
