Xalqimizda yo‘l va ko‘prik qurish savobli amallardan biri degan naql bor. Ana shu purmaʼno naqlga binoan ish yuritayotgan oltinsoylik yo‘lsozlar tuman markazidan “Xo‘jaipok” ziyoratgohigacha bo‘lgan masofadagi yo‘lni taʼmirlab, asfalt yotqizish ishlarida faollik ko‘rsatishmoqda.
Tuman hokimi Bahrom Maxmatrayemov yo‘lsozlar tomonidan bajarilayotgan ishlar bilan tanishdi. Ularga qurilish ishlarini belgilangan muddatda sifatli qilib bajarish borasida topshiriq va ko‘rsatmalar berdi.
Darvoqe, ushbu yo‘l muhim strategik ahamiyatga ega obyekt hisoblanadi. Chunki ushbu yo‘l ichki turizmni rivojlantirishda muhim bo‘lgan “Xo‘jaipok” ziyoratgohini bog‘laydi, ikkinchidan, ko‘mir konidan foydalanishda muhim ahamiyat kasb etadi. Shu bois, yo‘lsozlar alohida masʼuliyat bilan mehnat qilishmoqda.
