Surxondaryo viloyati Fermerlari kengashi tomonidan “Fermer xo‘jaliklarida ko‘p tarmoqli faoliyatni rivojlantirish muammolari va vazifalari” mavzusida amaliy konferensiya bo‘lib o‘tdi. Mazkur konferensiya qishloq xo‘jaligi rivojiga munosib hissa qo‘shib kelayotgan ilg‘or fermerlar bilan uchrashuv, ularni rag‘batlantirish hamda soha bo‘yicha to‘g‘ridan-to‘g‘ri muloqot maydoni bo‘ldi.
Konferensiyaning asosiy maqsadi — qishloq xo‘jaligidagi mavjud muammolarni muhokama qilish, ilg‘or tajribalarni targ‘ib etish, fermerlarni rag‘batlantirish va sohadagi islohotlar yuzasidan takliflarni eshitishdan iborat. Konferensiya davomida tumandagi “Shaymanbobo” fermer xo‘jaligi rahbari Yo‘ldosh Shaymanov O‘zbekiston Fermerlari kengashining “Ilg‘or fermer” ko‘krak nishoni bilan taqdirlandi.
