Har bir fuqaroga bir daraxt

Surxondaryo viloyatida ekologik barqarorlikni ta’minlash va yashil makonlarni kengaytirish maqsadida “Har bir fuqaroga bir daraxt” tamoyili asosida Yoshlar bogʻi tashkil etildi.
Mazkur tashabbus doirasida Termiz muhandislik va agrotexnologiyalar universiteti talabalari va professor-o‘qituvchilari, Surxondaryo viloyati yoshlar ishlari boshqarmasi qoshidagi “Volontyorlar maktabi” a’zolari faol ishtirok etib, daraxt ko‘chatlarini ekishdi. Tadbirda viloyat Ekologiya, atrof-muhitni muhofaza qilish va iqlim o‘zgarishi boshqarmasi boshlig‘i Bahodir Urunov ham qatnashib, shaxsan daraxt ekish jarayonida ishtirok etdi.
Ushbu loyiha yoshlarni ekologik ong va mas’uliyatga yo‘naltirish, atrof-muhitni yanada obodonlashtirish hamda yashil hududlarni kengaytirishga qaratilgan muhim qadamlardan biridir.