Viloyat IIB boshlig‘i polkovnik Abduvohid Ismoilov Termiz tumani 3-sektor hududiga qarashli “Xalqobod” mahallasida yashovchi Feruza Jumanazarovaning xonadoniga tashrif buyurib, yangi yil sovg‘alarini ulashdi.
- Har bayramda viloyat ichki ishlar boshqarmasi boshlig‘i xonadonimizga kelib, holimizdan, kam-u ko‘stimizdan xabar oladi, – deydi Feruza Jumanazarova. – Bu yil ham Yangi yil bayramiga Prezidentimiz tomonidan berilgan 800 000 so‘m hamda o‘zining hisobidan 2 000 000 so‘m pul, ro‘zg‘orimizga esa oziq-ovqat mahsulotlari bilan birga farzandlarimga Yangi yil sovg‘alarini tortiq qildilar. Bundan tashqari, turmush o‘rtog‘im va katta qizimni ishga joylashishida ham ko‘mak berildi. O‘g‘limga issiqxona qurib berildi, oilamizni “Temir daftar” ro‘yxatiga kiritib, doimiy yordam va e’tiborlarini ayamasdan kelayapti. Bundan juda xursandman.
