Qizlar ringda

Jangga faqat alp o‘g‘lonlar tushadi deydiganlar adashadi. Nozik hilqat vakilalari ham tomoshabinlarga jangchi qanday bo‘lishini ko‘rsatib qo‘yishi mumkin. Toshkent shahrida boks bo‘yicha kattalar o‘rtasida bo‘lib o‘tgan O‘zbekiston chempionatida xuddi shunday bo‘ldi.
Boks sport turida suyagi qotgan, mashg‘ulotlarda sinashta bo‘lib, yuragida shashti olov kabi yonayotgan qizlar jang qilishdi. Har bir round qiziqarli va hayajonli onlarga boy bo‘ldi. Mahorat bobida o‘zlarini namoyon etgan bokschi qizlar g‘oliblik uchun raqibalarini yengishga urinishdi. Albatta, bu urinishlar besamar ketmadi va kuchlilar g‘oliblar safida bo‘lishdi. Xususan, jahon, Osiyo chempioni bo‘lmish surxondaryolik Dilfuza Bekova 63 kg vaznda 1-o‘rinni egalladi.