Xalqimizning quvonchli kunlari, to‘y-u tadbirlari ko‘p. Sababi o‘zbegim mehmondo‘st xalq. Shunday ekan, bunday tadbirlarni munosib o‘tkazishda muhtasham san’at saroylari, to‘yxona-yu restoranlarga talab va ehtiyoj kuchayadi. Tadbirli va ishbilarmon insonlar esa ana shunday talabdan kelib chiqib, xizmat ko‘rsatish nuqtalari faoliyati yo‘lga qo‘yilayotir.
Angor tumanining “Sharq guli” mahallasida “O‘zbegim” maishiy ovqatlanish shoxobchasi foydalanishga topshirildi. Ushbu shoxobchaning ochilish marosimida tuman hokimi Qosim Mardonov va jamoatchilik vakillari ishtirok etdi. Ushbu maishiy ovqatlanish shoxobchasi orqali bir vaqtning o‘zida 1000 kishiga xizmat ko‘rsatiladi. Tadbirkorning tashabbusi bilan 20 nafar ishsiz yangi ish o‘rni bilan ta’minlandi.
Ochilish marosimida 5 nafar bolaning sunnat to‘yi ham o‘tkazib berildi. Tadbir davomida bolajonlarga to‘yona sifatida sovg‘alar ham topshirildi.
